نثر نگاری (جاسوسی کہانیاں) کے ساتھ ہی شاعری میں بھی کمال رکھنے والے ابن صفی (اسرار ناروی )

26 جولائی کو یوم پیدائش اور یوم وفات

اس موقع پر موصوف کے منتخب اشعار احباب کی خدمت میں پیش ہیں….

*انتخاب و پیشکش…طارق اسلم*

عجیب بات ہے کیچڑ میں لہلہائے کنول
پھٹے پرانے سے جسموں پہ سج کے ریشم آئے

*بالآخر تھک ہار کے یارو ہم نے بھی تسلیم کیا*
*اپنی ذات سے عشق ہے سچا باقی سب افسانے ہیں*

بجھ گیا دل تو خرابی ہوئی ہے
پھر کسی شعلہ جبیں سے ملئے

*چاند کا حسن بھی زمین سے ہے*
*چاند پر چاندنی نہیں ہوتی*

دیکھ کر میرا دشت تنہائی
رنگ روئے بہار اترا ہے

*دل سا کھلونا ہاتھ آیا ہے*
*کھیلو توڑو جی بہلاؤ*

دن کے بھولے کو رات ڈستی ہے
شام کو واپسی نہیں ہوتی

*ڈوب جانے کی لذتیں مت پوچھ*
*کون ایسے میں پار اترا ہے*

حسن بنا جب بہتی گنگا
عشق ہوا کاغذ کی ناؤ

*لکھنے کو لکھ رہے ہیں غضب کی کہانیاں*
*لکھی نہ جا سکی مگر اپنی ہی داستاں*

زمین کی کوکھ ہی زخمی نہیں اندھیروں سے
ہے آسماں کے بھی سینے پہ آفتاب کا زخم