ائے استاد قوم

عبداللہ رضا

استاد قوم کی تقدیر کا معمار ہے۔ اس کا کردار محض درس و تدریس تک محدود نہیں بلکہ دلوں کو جلا دینا، فکر کو روشنی عطا کرنا اور نسلوں کی تعمیر کرنا ہی حقیقی تعلیم و تربیت ہے۔
اساتذہ کرام! آپ ہی وہ چراغ ہیں جو ہر دل میں علم و ہدایت کی روشنی پھیلاتے ہیں۔ آپ کی محنت، آپ کی رہنمائی اور آپ کی قربانیاں ہی امت کا سرمایہ اور مستقبل کی ضمانت ہیں۔
یوم اساتذہ کی بانگِ درا
( مسعود احمد قاسمی دھولیہ )

اپنی فطرت کی حقیقت کو بھی پہچان ذرا
اپنے منصب کے فریضے کو بھی تو جان ذرا
کردے ملت کے سنور جانے کا سامان ذرا
علم کی راہ سے کر قو م پہ احسان ذرا

اے استاذِ قوم!
تو……… تو …..کلمۂ “اقرأ” کا علمبردار ہے

تو………“اِنما بُعِثْتُ مُعلِّماً” کا امانت دار ہے

تو……..درسگاہِ مدینہ کے معلمِ اُمّی کا شاہکار ہے

تو………بدوؤں کو میرِ کارواں بنانے والے معلمِ اعظم کا وراثت دار ہے!

تو………آزادی کو پر غلامی کو ترجیح دینے والے زید بن حارثہ کے شفیق استاذ کا عکسِ کردار ہے

تو ……… کائنات کے بے حرف اشاروں کا راز دار ہے

اور تو………ہند میں سرسید کی فکرِ دور اندیش کا علمبردار ہے

آج ………
تیرے عظیم منصب کا باوقار دن ہے ۔
آج “یوم اساتذہ” کے موقع پر……

کرلےتجدید ………عہدِوفا کی !!!

اورشعور………احساسِ ذمہ داری کا !!!

پہن لےزیور ……… خلوص و للہیت کا !!!

گنگنا دے ………سوزِ دل سے سازِ دل پر………تربیت کے پرسوزنغمے

سیراب کردے ………خون جگر سے نسلِ نو کو !!!

گزرجا ………روایتی طریقوں سے
اور سیکھ لے ……… کُشادِدل کی الہامی ادائیں

حاصل کرلےہنر ………ممولے کو شہباز سے لڑانے کا !!!

پیدا کرلےانداز ……… تڑپنے پھڑکنے کے !!!
اور………. سینے میں دلِ مرتضیٰ اور سوزِ صدیق کو!!!

کرلےشامل اپنے خمیر میں ……… نیکی، تقویٰ اور خوف خدا کی مؤمنانہ شان

بھرلے اپنی گود کو ………امانت داری کی خوشبو سے

کرالے درسگاہ کی چہاردیواریوں سے ……… تقدیرِ ملت کا فیصلہ

اور ایک بار پھر سنبھالا دیدے ………دانش گاہوں کے ڈوبتے ہوئے مستقبل کو!!!

#بلیک بورڈ

#blackboard #handwriting #blackboarddecoration #school #teachersday